Leider bist mir nu ned übern Weg glaufen… vielleicht liest grad Du de Zeilen und denkst: De Frau wui i kennenlernen, mit ihr lachn, Neis entdeckn, Abenteuer erlebn, sie in Arm nehmen, da sein, wenn’s ned so laft. Liebhaber und bester Freind sein. I bin gern draußen, genieß de Natur mit allen Sinnen – ob mim Pinsel, beim Berg-/Skitouren gehn oder mim Kajak aufm Bach. A bissl Wind und Wetter stört mi ned. Darf a anstrengend sei, dann san de Pausen oft nu moi so schee! A gemütlich: Sauna, zam kochn, essn gehn, Kino, Theater oder Ausstellung. Bin kreativ, praktisch und spontan – a beim Kochn! Bestes Kompliment meiner zwoa Jungs (keine Gemüseliebhaber): „Wie kann man aus solchen Zutaten so was Gutes zaubern!“ De beiden san fast 20 und 16,5, oft ausgeflogen und echt liab. So vui gschrieben … und doch nur a flüchtiger Eindruck. Und Du? Um de 45–55, NR, aufm Bodn bliem, ned zwoa linke Händ und ’s Herz am richtigen Fleck. Studiert oder ned? Völlig egal! Fühlst ähnlich wia i? Gfrei mi auf Di!